கிளிநொச்சி மண்ணில் வெற்றிகரமான 15 ஆண்டு கால சேவையை பூர்த்தி செய்த லிட்டில் எய்ட் திறன் விருத்தி மையத்தின் கைத்தொழில் கண்காட்சியும் – நூல் வெளியீட்டு நிகழ்வும்..!
கிளிநொச்சி மண்ணில் தனது இலவச தொழில் கல்வி சேவையை 15 ஆண்டுகளாக தொடர்ந்து வழங்கி வரும் நமது தொழில் கல்வி நிறுவனத்தில் தையல் தொழில் கல்வியை பூர்த்தி செய்த மாணவர்களின் கைவினைப்பொருட்கள் கண்காட்சியும் – மாபெரும் மலிவு விற்பனையும் இடம்பெறவுள்ளது என்பதை பெரு மகிழ்ச்சியுடன் அறியத்தருகின்றோம்.உள்ளூர் உற்பத்தி பொருட்கள், மாணவர்களினால் தைக்கப்பட்ட விலை குறைவான ஆடைகள் – புத்தக மற்றும் கைப் பைகள் – அலங்கார பொருட்கள் என்பவற்றை குறைவான வகையில் நிறைவாக பெற்றுக்கொள்ள ஓர் அரிய சந்தர்ப்பம். இடம் : லிட்டில் எய்ட் திறன் விருத்தி மையம், கனகராசா வீதி, திருநகர், கிளிநொச்சி.திகதி: 03.08.2024நேரம் : காலை 9.30 மணி தொடங்கி மாலை 4.30 மணி வரை.குறித்த தினத்தில் தேசிய – சர்வதேச அளவில் சாதித்த கிளிநொச்சி மாவட்ட விளையாட்டு வீரர்களை ஆவணப்படுத்திய லிட்டில் பேர்ட் என்ற சஞ்சிகை வெளியீடும் இடம்பெறவுள்ளதால் கண்காட்சியிலும் – நூல் வெளியீட்டிலும் கலந்து சிறப்பிக்குமாறு உங்களை பேரன்புடன் வரவேற்று அழைத்து நிற்கிறது லிட்டில் எய்ட் திறன் விருத்தி மையம்.
